ba pailah ba tinggalah

assalam mu'alaikum warahmatullahi wabarakaatuh.
salamaik malam niniak mamak nan cadiak pandai
kok hanyuik nan ka mamintehi
kok tabanam nan ka manyalami

Si Amat mandi di luhak, parigi bapaga bilah, samo dipaga kaduonyo, adat basandi syarak, syarak basandi kitabbullah, sanda manyanda kaduonyo.

Kok gadang jan malendo, panjang jan malindih, cadiak jan manjua.
Nan buto paambuih lasuang, nan pakak palapeh badia, nan lumpuah pangajuik ayam, nan binguang pangakok karajo, nan cadiak lawan baiyo, nan pandai tampek batanyo, nan tahu tampek baguru, nan kayo tampek batenggang, nan bagak ka parik paga dalam nagari.

Galugua buah galugua, tumbuah sarumpun jo puluik-puluik, badampiang jo batang jarak, basilang kayu dalam tungku, sinan nasi nasi mangko masak.
Baiyo-iyo jo adiak, batido-tido jo kakak, elok diambiak jo mufakek, buruak dibuang jo etongan.

Tadorong jajak manurun, tatukiak jajak mandaki
Kasudahan adat ka balairung, kasudahan dunia ka akhirat, salah ka Tuhan minta taubat, salah ka manusia minta maaf.

salamaik ba istirahat dunsanak ambo
wassalam mu'alaikum warahmatullahi wabarakaatuh