BARAJA PASAMBAHAN

Mak, sungguah mamak surang nantasabuik namo nantaimbau gala ujuang tantak puntingtikam anggin baasa ombak bapuhun taumpun kato pado mamak,talimpah rundianggan kanan banyak nanduduak di ateh lapiak nan saamparan,nantagak di ateh tanah nansabingkah, takalo rundianggan kadisampaian takalo kato kadi sabuik, kan iyo dibaoan taratik manjilih lelo jo sopanyo, nama taratik manjilih lelo jo sopan, di hujamkan lutuik nan duo di susunjarinan sapuluah di takuean kapalo nansatu, di lewaan dengan sambah di imbau dengan kato, baa candonyo di ambo kini, kain candai panjang sambilan nan bapitih sakupang ganok nanbaasa lai balamaik kurang, mamintatantu di nanlai majujuik tantu dinansalasai. Tantang sambah manjinjing tangan minta di adokan sakalinangko, sampai mak.

 sutan, tp sungguahpun sutan nan di imbau sarapek papeknyo lah sakaji urang sumando kami sarato urang sumando anak sarato anak pulang rundiangan kabakeh sutan.... Artinyo bana dek ambo manuruik pasa nan biaso takalo kito kabarundiang diateh dak lai nyo kan iyo tabao kan tando guno tando biaso, tando mamakaikan adaik jo pusako.... Kalaluannyo yo lah diangkek an tangan, di susunkan jari, dianta dengan pasambahan. Di tantang nan ba angkek an tangan nan ba susunkan jari rila jo maaf nan di mintak, lah rundiangan sajo nan ka dikamuko kan.. ka baa pulo ko lah,, sakian bana kabakeh sutan.

 Pak, sungguah pun Apak nan diimbau,
tapi sarapeknyo lah sagalo dunsanak kami nan saparadok.

Baa kini, dek ado nan takana di hati, nan takilan di mato,
handak mambaco undiangan sapatah jo duonyo.

Baa takalo undiangan ka dibaco
jiko sahandaknyo, tabao kan taratik jo mujilih

apo nan dinamokan taratik jo mujilih,
tainjiangkan tangan, tasusunkan jari, tamuhunkan sambah
mako undiangan ka dibaco,

Baa tantang pihak pado sambah,
itulah nan dipinta suko jo ilanyo
lah undiangan je ka dibaco ciek jo duonyo
sakian bana...